Trajneri i Liverpoolit, Arne Slot, ka thënë se do të zhvillojë një bisedë me Mohamed Salah përpara se të vendosë nëse ky i fundit do të përfshihet në ndeshjen e Liverpoolit me Brightonin.
Sidoqoftë , ai e pranoi se “nuk ka arsye” të dëshirojë që sulmuesi të largohet nga klubi në janar.
Salah u la jashtë skuadrës së ndeshjes për fitoren e Liverpoolit në mesjavë ndaj Interit në Ligën e Kampionëve të UEFA-s pas intervistës së tij shpërthyese pas barazimit 3-3 të Reds me Leeds United.
33-vjeçari, i cili u la në stol për ndeshjen e tretë radhazi kundër Leeds, pretendoi se ishte bërë “kurban” nga klubi dhe se marrëdhënia e tij me Slot ishte prishur.
“Do të zhvilloj një bisedë me Monë këtë mëngjes,” tha Slot në konferencën e tij për shtyp para ndeshjes të premten.
“Rezultati i asaj bisede përcakton se si do të duken gjërat nesër. Mendoj se herën tjetër që flas për Mo duhet të jem me të dhe jo këtu. Mund të vazhdoni të provoni, por nuk ka shumë më tepër për të thënë për këtë.
“Kemi folur shumë javën e fundit pas ndeshjes me Sunderland, pati shumë biseda midis përfaqësuesve të tij dhe tanëve, përfaqësuesve tanë dhe tij, midis tij dhe meje, dhe sot do të flas përsëri me të.”
