Sistemi shëndetësor në sektorin privat është karakterizuar me skandale të shumta viteve të fundit, për shkak të mbikëqyrjes jo të duhur nga organet përgjegjëse shtetërore, ku për pasojë pacientët shpeshherë kanë pësuar shkaku i shërbimeve jo-profesionale.
Në kuadër të një hulumtimi për parregullsitë në këtë sektor, Veriu.info ka siguruar një vendim të Inspektoratit Shëndetësor me të cilin është gjobitur me 1 mijë euro IPSh (Institucioni Privat Shëndetësor) “Dental Clinic – Stomatologjia” me themelues Butrint Sadikaj për shkelje të dispozitave të Ligjit të Shëndetësisë.
Në arsyetimin e vendimit të Inspektoratit Shëndetësor thuhet se gjatë inspektimit janë gjetur fakte që në IPSh “Dental Clinic – Stomatologjia” ofrohen shërbime shëndetësore si implantet të cilat nuk janë të lajmëruara në sistemin online të DLA/MSh.
“Këto shërbime ofrohen nga Dr. Butrint Sadikaj – doktor i stomatologjisë. Implantet nuk regjistroheshin në regjistër, por u gjetën në fletoren e doktorit ku ishin të regjistruara. Pacientët që kanë marrë këtë shërbim u gjetën në regjistër të pacientëve, por ishin të evidentuara vetëm shërbimet tjerë shëndetësore dhe jo implantet”, thuhet në vendimin e Ish.
Aty po ashtu specifikohet se antishok terapia nuk ishte e kompletuar, adrenalina ishte me afat të skaduar dhe se janë gjetur disa preparate stomatologjike me afat të skaduar.
Njohës të fushës së stomatologjisë në kushte anonimiteti kanë folur për Veriu.info në lidhje me rreziqet që paraqiten kur një shërbim stomatologjikë si implantet ofron pa lajmërim, duke thënë se kjo i bën të pambrojtur ligjërisht pacientët në rast të komplikimeve, padive apo dëmtimit të pacientit.
Kur adrenalina është me afat të skaduar ajo humb efektivitetin dhe mund të mos veprojë në momente kritike, ku për pasojë mund të dështoj trajtimi i shokut anafilaktikm, përkeqësohet gjendja e pacientit dhe rrjedhimisht ka rrezik real për jetë.
Përkundër këtyre të gjeturave skandaloze, Inspektorati Shëndetësor i Ministrisë së Shëndetësisë ka vendosur ta gjobit me vetëm 1 mijë euro “Dental Clinic – Stomatologjia”.
Nga disa fotografi e postime të bëra në Facebook, shihet se Dr. Butrint Sadikaj është person i afërt me pushtetarët e tanishëm.
LEXO EDHE:
