KRU “Mitrovica” shkel vendimin e ARrU-së për tarifat e reja nga janari, faturon me 40% rritje konsumatorët për muajin dhjetor (Dokument)

Autoriteti i Rregullatorit për Shërbimet e Ujit me 31 dhjetor 2025 kq marrë vendim për tarifat e reja të ujit, duke bërë rritje të tyre nën arsyetimin e ndryshimebe ekonomike që kanë ndikuar në rritjen e kostos së furnizimit.

Në vendimin e Autoritetit të Rregullatorit për Shërbimet e Ujit thuhet se vendimi hyn në fuqi me 1 janar 2026, që nënkupton se tarifat e reja vlejnë për muajin janar. Madje, pika 8-të e vendimit specifiko, se UTSH (Urdhëresa Tarifore e Shërbimeve), hyn në fuqi më 1 janar 2026 dhe se vlen vetëm për vitin fiskal 2026, raporton Veriu.info

Por këtë vendim e ka shkelur Ujësjellësi Rajonal “Mitrovica”, duke aplikuar tarifat e reja për muajin dhjetor 2025, e të cilat do të duhet të aplikohen prej janarit e tutje. Ndaj këtij faturimi ka pasur reagime nga qytetarët, të cilët e kanë kundërshtuar këtë faturim të kundërligjshëm.

Reagimi i vushtrriasit Burim Gjaka:

​Pse ky faturim është i padrejtë dhe i paligjshëm?

​Vendimi për shtrenjtim ka hyrë në fuqi me 1 janar 2026. Çdo litër ujë i shpenzuar në dhjetor duhet të paguhet me çmimin e vjetër!

​Faturat e sotme përfshijnë rreth 22 ditë të dhjetorit dhe vetëm 8 ditë të janarit. Pse po detyrohemi të paguajmë 40% më shtrenjtë për ujin që kemi harxhuar vitin e kaluar?

​ Ky “shtrenjtim i parakohshëm” po na vjen pikërisht në kohën kur po përballemi me ndërprerje ekstreme të furnizimit. Pagajmë më shumë për më pak ujë!

​Çka duhet të bëjmë?

Mos e pranoni këtë faturim në heshtje. Ne propozojmë që pagesa të bëhet në mënyrë proporcionale:

2/3 e faturës (periudha e dhjetorit) me çmim të vjetër.

1/3 e faturës (8 ditët e janarit) me çmim të ri.

​Ftojmë KRU “Mitrovica” që të tërheqë këto fatura dhe t’i korrigjojë ato menjëherë. Gjithashtu, i bëjmë thirrje Autoritetit Rregullator, të ndërhyjë për të mbrojtur konsumatorin vushtrrias nga kjo plaçkitje e hapur!

​ Shikoni foton më poshtë: Dëshmia e faturimit të gabuar nga një konsumator i pakënaqur