Një mësimdhënëse nga Ferizaj ka treguar ndershmëri dhe përgjegjësi qytetare, pasi ka dorëzuar në polici një portofol me para që e kishte gjetur në rrugë.
Sipas njoftimit të Policia e Kosovës, ngjarja ka ndodhur sot, më 11 maj 2026, rreth orës 16:55, në afërsi të rrugës “Agim Matoshi” në Ferizaj.
Qytetarja me inicialet A. Mehmeti, 43-vjeçare dhe mësimdhënëse, kishte gjetur një portofol me një shumë të konsiderueshme parash dhe menjëherë e kishte dorëzuar atë në stacionin policor në Ferizaj.
Meqenëse pronari i portofolit ende nuk ishte identifikuar, hetuesit policorë kanë dalë në vendin e ngjarjes për të verifikuar kamerat e sigurisë në zonë.
Pak më vonë, në stacionin policor është paraqitur një 22-vjeçare me inicialet L.K., nga Ferizaj, me banim të përkohshëm në Gjermani, e cila ka raportuar humbjen e portofolit.
Pas verifikimeve të kryera nga policia, pronares i janë kthyer portofoli dhe shuma prej 2030.85 euro.
