Drejtoria e Inspekcionit e Komunës së Mitrovicë bërë të ditur se ka bërë ndalim të punimeve në disa objekte banesore që po ndërtohen.
Në bazë të fotografive të publikuara nga Komuna e Mitrovicës, shihet se ndërprerja e punimeve është bërë në objektet banesore që po ndërtojnë kompanitë “Xani Invest Group” dhe “Berani Group”, raporton Veriu.info.
“Drejtoria e Inspekcionit ka ndërmarrë veprime konkrete për ndalimin e punimeve, për shkak se ato janë zhvilluar pa iu përmbajtur lejes ndërtimore. Me këtë rast, nga inspektorët komunalë janë vendosur shirita që ndalojnë këto punime”, thuhet në njoftimin e Komunës së Mitrovicës.
Tutje, në njoftim citohet drejtori i Inspekcionit, Mujë Igrishta, të ketë thënë se do të vazhdojnë me veprime të njëjta për të gjitha rastet që do të evidentohen në lidhje me mosrespektimin e lejes ndërtimore./Veriu.info/
Kompania “Xani” nis ndërtimin e një objekti pa leje në Mitrovicë (Foto)
