Sulmuesi i Realit të Madridit, Karim Benzema, është fitues i çmimit prestigjioz “Topi i Artë” për vitin 2022.
Këtë sukses, ai e arriti për herë të parë në karrierë, vetëm në moshën 34-vjeçare.
Ky çmim është kryesori që një futbollist mund të arrijë në karrierë individualisht, transmeton Klankosova.tv.
Por, a e dini se sa është vlera e “Topit të Artë”?
Nuk do ta besoni se sa lirë kushton ky trofe.
Vlera për prodhimin e trofeut “Ballon d’Or” shkon në vetëm rreth 3 mijë euro.
Ai është 31 centimetra i gjatë dhe 23 centimetra i gjerë dhe peshon pak mbi shtatë kilogramë.
Megjithatë, vlera e trofeut “Ballon d’Or” mund të shkojë nga 300 mijë deri në 500 mijë dollarë.
Për shembull, trofeu i Botërorit të FIFA-s kap vlerën e rreth 20 milionë dollarëve ndërsa trofeu “Vince Lombardi” i NFL-së për fituesin e “Super Bowl” është 50 mijë dollarë. /Klankosova.tv
