Në debatin “Jeta në Komunë’ përballë Jeta Xharrës dhe Kuvendit Komunal ishte kryetari i Komunës së Prishtinës, Përparim Rama, i cili në programin e tij zgjedhor të viti 2021 premtoi një varg projektesh, kështu duke e kthyer Prishtinë si qytet të përjetimeve të mira për qytetarët e saj.
Pasi kanë kaluar tri vite mandat, Përparim Rama kthehet në debatin “Jeta në Komunë” për të diskutuar mbi sfidat dhe telashet që përcjellën mandatit e tij qeverisës.
Ballafaqimi i Përparim Ramës me opozitën e kuvendit komunal të Prishtinës mori pjesën me të madhe të diskutimit në debat ku pati shumë akuza e kundër akuza për mënyrën së si u qeveris me kryeqytetin.
Ndërtimet pa leje në Komunën e Prishtinës ishin përballja e radhës mes pozitës e opozitës gjatë debatit “Jeta në Komunë”.
Asamblisti tjetër i LVV-së, Gëzim Sveçla kritikoi Ramën për mos ndalimin e punimeve pa leje në qendrën tregtare “Central Park” të Blerim Devollit.
“Qysh është e mundshme që pa leje valide Devollët po ndërtojnë hapësira shtesë (qendër tregtare) pas “Central Park”, pikërisht aty ku projektuesi i qendrës së parë ka qenë drejtori i Urbanizmit. Kemi qenë në komunikimim të vazhdueshëm me drejtorin e Inspeksionit, dy herë e ka ndërprerë punën për shkak se u ndërtu pa leje, mirëpo me ‘urdhëra’ prej lartë, tash po del prej kryetarit, aty është ndërtuar dhe është në përfundim e sipër. Dy herë që është leja prej ministrisë. Pasi po i përmend kryetari që i ka taku ata, le të na tregon me krejt biznesmenët të cilët është takuar në liqenin Komo të Italisë dhe cilat janë marrëveshjet që i ka arrit”, ka pyetur asamblisti Sveçla.
Ndaj pyetjes për ndërtimin pa leje nga kompania Devolli, kryetari Përparim Rama nuk ka dhënë përgjigjur, duke vazhduar të përgjigjet për takimin me bizneset në Komo të Italisë.
“Unë i kam thënë publikisht që jam takuar me të gjithë, sepse i kam ftuar. Si kryeqytet jemi të interesuar për t’iu takuar të gjitha bizneset për të investuar në kryeqytet. Derisa çdo gjë është ligjore, nuk shoh asnjë problem”, ka thënë Rama.
