Gazeta Sinjali raportoi të mërkurën për arrestimin e një zyrtari policor në Gjakovë, i cili po dyshohet se është përfshirë në një rast të ngacmimit. IPK në koordinim me Prokurorin e Shtetit ka nisur hetimet e rastit, ndërsa tashmë janë zbuluar detaje të reja.
Gazeta Sinjali ka mësuar ekskluzivisht se polici i arrestuar është Art Dafota dhe është ndaluar për 48 orë.
Pas vendimit për ndalimin e tij dje, sot u vendos që polici i arrestuar për ngacmim të dërgohet në arrest shtëpiak.
Sipas informacioneve që ka siguruar Sinjali, pala e përfshirë si viktimë në këtë rast është një e mitur, vetëm 13 vjeçe.
Burimet e Gazetës Sinjali kanë bërë me dije se në koordinim me Prokurorin e Shtetit janë duke u ndërmarrë veprimet e nevojshme për zbardhjen e rrethanave të rastit.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
