Policia e Kosovës ka dhënë detaje për aksionin e zhvilluar pasditen e së enjtes në Zubin Potok.
Përmes një komunikate për media, Policia ka bërë të ditur se operacioni është zhvilluar për shkak te veprimtarive të kundërligjshme lidhur me organizimin e skemave piramidale dhe bixhozit të paligjshëm.
Veton Elshani, zëvendësdrejtor i Policisë së Kosovës për Mitrovicën e Veriut ka bërë të ditur se tre persona janë duke u intervistuar lidhur me rastin.
“Me datën 15.01.2026 njësia e hetimeve te stacionit policore Zubin Potok ne DRP Mitrovice Veri nga rrugët operative ka pranuar një informatë se në tri lokale në qytetin e Zubin Potokut janë duke u zhvilluar veprimtari të kundërligjshme konkretisht organizimi i skenave piramidale dhe bixhozit të paligjshëm. Njësia e hetimeve e stacionit policore Zubin Potok, me asistimin e njësive relevante të DRP Mitrovicë Veri kemi bërë bastisjen në të tri lokalet”.
“Në të tri lokacionet janë hasur paisje teknologjike të cilat mundësojnë zhvillimin e lojërave të fatit si dhe janë të dyshuar 5 (pesë) persona ku 3 (tre) prej tyre janë duke u intervistuar kurse 2 (dy) të tjerë nuk janë hasur aty por janë të njohur për policinë, ndërsa janë intervistuar edhe 5 dëshmitarë. Është njoftuar prokurori kujdestar i cili ka udhëzuar që të inicoj tri raste “Organizimi i skenave piramidale dhe bixhozit të paligjeshëm” e sanksionuar me nenin 294 te KPRK-s”, thuhet në komunikatën e Policisë.
Policisë.
