Kryeministri i Spanjës, Pedro Sanchez, porsa ka njoftuar se shteti i tij do ta njohë Palestinën më 28 maj, raporton televizioni BBC.
Edhe udhëheqësit e Norvegjisë dhe Irlandës konfirmuan më herët se vendet e tyre do të njohin një shtet palestinez.
Izraeli ka reaguar pas këtyre vendimeve, duke i tërhequr për konsultime ambasadorët izraelitë në Norvegji dhe Irlandë.
“Ne do ta njohim Palestinën për shumë arsye dhe këtë mund ta përmbledhim në tri fjalë: paqe, drejtësi dhe konsistencë” – tha kryeministri spanjoll.
“Ne duket të sigurohemi që zgjidhja me dy shtete respektohet dhe duhet të ketë garanci reciproke të sigurisë” – shtoi ai.
“Është thelbësore që të dyja palët të bisedojnë për paqe dhe për këtë arsye ne e njohim Palestinën” – tha më tej Sanchez-i.
