Gjykata Themelore e Mitrovicës ka caktuar masën e paraburgimit prej 30 ditësh ndaj dy mjekëve të spitalit të Vushtrrisë, Valdet Rexhepi dhe Ekrem Sefiu, të cilët u arrestuan nën dyshimin e marrjes së ryshfetit, raporton Gazeta Online Veriu.info.
Gazeta Online Veriu.info raportoi ekskluzivisht pér arrestimin e dy mjekëve duke sjellur emrat e tyre dhe detaje të dyshimeve për marrje ryshfeti.
Sipas dyshimeve i dyshuari Ekrem Sefiu në tri raste, ndërsa i dyshuari Valdet Rexhepi në pesë raste, kanë kërkuar dhe pranuar para nga qytetarët për ofrimin e shërbimeve shëndetësore.


Mjeku Ekrem Sefiu ishte arrestuar edhe më herët për marrje ryshfeti kurse mjeku Valdet Rexhepi ishte dënuar për të njëjtën vepër./Veriu.info/
Ekskluzive: Këta janë dy mjekët e arrestuar në Spitalin e Vushtrrisë për marrje ryshfeti (Emrat)













