Drejtoria e Inspekcionit e Komunës së Mitrovicës ka vazhduar edhe sot aksionin e inspektimit në objektet banesore që po ndërtohen, duke kontrolluar se kompanitë a janë duke iu përbajtur lejes ndërtimore.
Në kuadër të këtij aksioni sot i janë ndaluar punimet kompanisë Afri Univerzal, pasi që është konstatuar se kjo kompani nuk po i përmbahet lejes ndërtimore në një objekt banesor që është duke e ndërtuar në lagjjen Ilirida (ish Tavnik) në Mitrovicë.
“Ka vazhduar aksioni nga Drejtoria e Inspekcionit për vendosjen e shiritave që ndalojnë punimet, për shkak se ato janë zhvilluar pa iu përmbajtur lejes ndërtimore. Aksioni ka filluar dje për të vazhduar sot në 3 objekte të tjera. Drejtoria e Inspekcionit do të vazhdojë me veprime të njëjta për të gjitha rastet që do të evidentohen në lidhje me mosrespektimin e lejes ndërtimore dhe aksioni do të vazhdojë edhe ditëve në vijim, siç ka paralajmëruar drejtori, Mujë Igrishta”, thuhet në njoftimin e Komunës së Mitrovicës.
Kompania Afri Univerzal me pronar Shaqir Osmanaj ishte bërë e njohur në vitin 2024, pasi që në media ishte raportuar se drejtori menaxhues (vëllau i pronarit) ishte thirrur të dëshmojë nga Prokuroria Speciale në rastin e hetimeve ndal Milan Radojiçiqit, për shkak se gjatë hetime ishte konstatuar se kjo kompani kishte bërë vendosjen e dritareve në villën e kriminelit Milan Radojiçiq që ishte ndërtuar kundërligjshëm pranë Liqenit të Ujmanit.
Lexoni edhe:
