Bedri Hamza, kandidat për kryeministër i Partisë Demokratike të Kosovës (PDK), ka thënë në “Pressing” të T7, se investitorët po shkojnë nëpër vende të rajonit, pasi Kosova nuk ka ambient të të bërit biznes.
Hamza thotë se duhet të krijojnë një ambient miqësor për biznes.
Ai ka thënë se edhe bizneset vendore po shkojnë për të investuar në vende të rajonit e të Bashkimit Evropian.
Sipas tij duhet poliitka që të tërheqin investitorë, pasi kjo është baza e zhvillimit ekonomik.
“Unë e shoh rritjen e buxhetit përmes zhvillimit dhe rritjes ekonomike, jo vetëm përmes ngarkesave. Ne duhet t’i shikojmë edhe vendet e regjionit, sepse nuk mundesh me tërheq investitorë të jashtëm nëse ti i ke politikat fiskale, qasjen financa, ambientin për biznes, numrin e lejeve më të vështirësun sesa vendet e regjionit. Investitorët shkojnë, kanë shku edhe fatkeqësisht kohët e fundit edhe bizneset tona janë duke shkuar në vende fqinje e të Bashkimit Evropian”.
“Ne duhet të krijojmë një ambient miqësor për bizneset, A-ja e zhvillimit ekonomik është klimë e favorshme, përkrahje për ndërmarrje, legjislacion i mirë, zbatim i mirë i legjislacionit, gjithësi luftim i informalitetit”, ka thënë Hamza.
