Dy ish lojtarët e Kombëtares së Anglisë, Micah Richards dhe Jamie Carragher të cilët pas përfundimit të karrierës së tyre janë bërë analistë të futbollit, pas ndeshjes së mbrëmshme mes Manchester Cityt dhe Real Madrid dhuruan disa momente qesharake lidhur me reagimin e Richards kur kishte shënuar golin e parë mesfushori belg, Kevin De Bruyne.
Manchester City arriti të triumfoj në ndeshjen e parë të gjysmëfinales kundër Real Madrid me rezultat 4-3, pas një paraqitje magjepsëse në ‘Etihad Stadium’.
Vendasit kaluan në epërsi brenda dy minutave falë një goditje me kokë të belgut, Kevin De Bruyne i cili pranoj një asistim të mahnitshëm nga Riyad Mahrez.
Goli i hershëm i zuri papritur shumë tifozë të ‘Citizens’ e një prej tyre ishte edhe ish mbrojtësi i tyre, Micah Richards i cili ishte duke ngrënë makarona në studion televizive të CBS Sports por në momentin kur u realizua goli i epërsisë harroi gjithçka për të festuar në mënyrë të ‘çmendur’.
Video e tij është shpërndarë mjaft shumë në rrjetet sociale edhe pse nuk ishte transmetuar drejtpërdrejt, por ish-mbrojtësi i Liverpool, Jamie Carragher më vonë gjatë transmetimit e përmendi këtë moment komik në studio.
Ai tha: Kjo duhet të analizohet, kur flisni për disa nga teknikat që kemi pasur në këtë ndeshje të Kroos, Modric, De Bruyne, Bernardo Silva, por asnjëri nga këta nuk kontrolloi më mirë situatën se Richards me makaronat.”
Kujtojmë se loja kthyese do të luhet javën tjetër më 4 maj në ‘Santiago Bernabeu’ dhe atëherë do të mësohet edhe skuadra e cila do të shkoj në finalen e madhe e cila do të luhet më 28 maj në Paris.
