Këta janë shefat e MKRS-së së Çekut që po e mbrojnë me heshtje skandalin e pagesës së Drejtorit nga FC Vushtrria

Në kuadër të hulumtimit për disa transaksione financiare të dyshimta të FC Vushtrria, Veriu.info ka  zbuluar një skandal ku dëshmohet se si ky klub ka paguar mbi 4 mijë e 500 euro Mehdi Ukën, U.d. Drejtor i Departamentit Ligjor në Ministrinë e Kulturës, Rinisë dhe Sportit, për shërbime të marrëveshjes së sponsorizimeve, të cilat i njëjti është i obliguar t’i mbikëqyr përmes pozitës që e ushtron, duke u përfshirë kështu në një konflikt të pastër interesi.

Skandal: Në vend që t’i mbikëqyrë sponsorizimet klubeve, Drejtori i MKRS-së u pagua për këto marrëveshje 4,500 euro nga FC Vushtrria (Dokument)

Veriu.info në muajin tetor kishte raportuar edhe për një skandal të FC Vushtrria, e cila rreth 150 mijë euro të parave të sponsorizimit të miratuara nga MKRS i kishte paguar jashtë planit që përmende shkelje të dispozitave ligjore që dalin nga aktet ligjore që lejojnë sponsorizimin.

Skandal: FC Vushtrria shkel VËRTETIMIN e sponsorizimit, rreth 150 mijë euro të kompanisë Shaip Mikullovcit në pagesa të dyshimta te kompanitë e hekurit jashtë planit të miratuar nga MKRS

Përmundër pyetjeve të dërguara nga Veriu.info në MKRS para publikimit të artikujve për dy skandalet, zyrtarët përgjegjës të kësaj ministrie kanë zgjedhur heshtjen, duke lejuar të kalojnë këto shkelje ligjore si asgjë.

Veriu.info për këto skandale pyetje kishte dërguar të Sekretari i Përgjithshëm i MRKS-së, Bislim Bislimi, Klodeta Krasniqi  – Shefe e Kabinetit të ministrit në detyrë, Hajrulla Çeku dhe Drejtor i Auditimit të Brendshëm, Bislim Gashi, por asnjëri prej tyre nuk ka kthyer përgjigje, madje as pas publikimit të skandaleve.

Burime të Veriu.info nga MKRS bëjnë të ditur se të lartëpërmendur po i mbrojnë veprimet e shkeljeve ligjore nga ana e FC Vushtrria dhe U.D. U.d. Drejtor i Departamentit Ligjor, Mehdi Uka, pasi që të njëjtit janë të përfshirë indirekt në veprime të ngjashme me klube tjera përmes anëtarëve të Komisionit për Shqyrtimin dhe Vlerësimin e Kërkesave për Lëshimin e Vërtetimit për Sponsorizime.

LEXO EDHE:

Dështim sportiv, fitim personal: Kryetari i FC Vushtrrisë, Shemsi Rrahimi dhe vajza e tij u paguan mijëra euro nga klubi (Dokument)

Raportimet e Veriu.info për keqpërdorime në FC Vushtrria: Largohet nga pozita e kryetarit Shemsi Rrahimi, i cili mori mijëra euro së bashku me vajzën e tij

Vaki kosovare/Ish kryetari i BIK (punëtori i Shaip Mikullovcit), Shemsi Rrahimi pritet të bëhet sot kryetar i FC Vushtrria

Pakënaqësi në FC Vushtrria, lojëtarët gati tre muaj pa paga – si dështoi multi-milioneri Shaip Mikullovci si sponsor, edhe pse e bëri dhëndrrin drejtor?

Drejtori sportiv i FC Vushtrria, Liridon Ahmeti me pagë më të ‘majme’ se sa futbollisti më i paguar (Dokument)