Liverpuli dhe Barcelona janë dy skuadrat të cilat do të jenë pa trajner në fund të sezonit, pasi Jurgen Klopp dhe Xavi, kanë njoftuar se do të largohen në qershor.
Të dyja janë duke kërkuar një trajner të ri për sezonin e ardhshëm dhe një prej objektivave të tyre është Ruben Amorim, shkruan IndeksOnline.
Tekniku portugez ka pasur një sezon fantastik me Sporting Lisbonën, dhe ka bërë që skuadrat e mëdha evropiane të interesohen për shërbimet e tij.
Së fundi Amorim ka folur për të ardhmen e tij, duke thënë se ende nuk ka marrë asnjë vendim se a do të qëndrojë te Sportingi edhe sezonin e ardhshëm, apo të ndryshoj klubin.
’’Nuk mund ta them këtë siç bëri Xabi Alonso. Kemi kohë për të diskutuar të ardhmen time, do ta bëjmë atë në kohën e duhur. Tani përqendrohuni në fitimin e titujve dhe pastaj do të shohim se çfarë do të ndodhë.’’, ka deklaruar Amorim.