Kanë kaluar një orë lojë në ndeshjen mes Shqipërisë dhe Moldavisë.
Shqipëria vazhdon të ketë avantazhin minimal prej 0-1.
Kuqezinjtë janë në avantazh që nga minuta e 25’të e takimit me golin e realizuar nga Sokol Cikalleshit nga pika e bardhë.
Taulant Seferi ishte ai që e fitoi penalltinë që e konkretizoi më pas Cikalleshi.
Ndërkohë në pjesën e dytë moldavët kanë marrë iniciativën duke rrezikuar disa herë portën e Etrit Berishës. Berisha ishte fantastik me disa ndërhyrje sidomos në reagimin e tij nga goditja e sulmuesit moldav, Nicolasescu.
