Drejtori i Institutit të Kosovës për Drejtësi, Ehat Miftaraj e ka komentuar protestën e Sindikatës së Bashkuar për Arsim, Shkencë dhe Kulturë (SBASHK) që u mbajt në afërsi të Ministrisë së Arsimit.
Ai shkroi në Facebook se Lëvizja Vetëvendosje, po të ishte në opozitë do t’i bashkohej kësaj proteste.
“Nëse VV ish kanë në opozitë sot iu kish bashkangjit protestes se sindikates dhe do na mbante leksione per rendesine e bashkimit sindikal dhe do kerkonte llogari per mungesen e te drejtave per punetoret”, shkroi Miftaraj.
Kryetari i SBASHK-ut, Rrahman Jasharaj në një konferencë për media një ditë më parë tha se nëse Qeveria dhe ministrja e Arsimit, Arbërie Nagavci nuk reflektojnë mbi kërkesat e tyre, do të hyjnë në grevë të përgjithshme.
Pjesëmarrësit shprehën pakënaqësitë e tyre lidhur me pagat dhe mungesën e kontratës kolektive.
