Sapo përfundoi ndeshja kryesore e kësaj jave në Premier League, mes Manchester City e Tottenham Hotspurs.
Nuk pritej shumë nga ekipi i Antoni Contes, pas formës së dobët që po kalon për momentin ekipi londinez.
Serinë e golave e hapi Tottenham në minutën e katërt përmes Dejan Kulusevskit, mirëpo brenda së njëjtës pjesë City barazoi.
Në pjesën e dytë Tottenham shënoi golin e dytë në minutën e 59’të, ndërsa pak më vonë edhe të tretin, por u anulua nga VAR për offside.
Krejt në minutat e fundit City fitoi penallti pasi gjyqtari kryesor e shikoi monitorin, mundësi që nuk u lëshua nga algjeriani Mahrez, raporton Gazeta Metro.
Por, drama vazhdoi edhe më tej në sekondat e fundit, kur Kane shfrytëzoi një huti të mbrojtjes së Citizens dhe u ngrit më së larti për të shënuar me kokë golin e fitores në minutën e 95’të.
Gara për titull hapet edhe më pas këtij rezultati, sepse tash Liverpool është vetëm 6 pikë pas ekipit të Guardiolës dhe po ashtu ka një ndeshje më pak të zhvilluar./gazetametro.net
