Nëse planifikoni të vizitoni SHBA-në së shpejti, duhet të planifikoni udhëtimin paraprakisht pasi është shumë e mundur që të hasni disa ndërprerje.
Planet tuaja të fluturimit mund të preken
Punonjësit e kontrollit të trafikut ajror dhe Administratës së Sigurisë së Transportit (TSA) konsiderohen “thelbësore” – kështu që do të vazhdojnë të punojnë. Megjithatë, ashtu si me punonjësit e tjerë thelbësorë, ata nuk do të paguhen derisa mbyllja të zgjidhet, raporton BBC.
Të shtëna dhe shpërthime në Mynih: Një person gjendet i vdekur, policia bllokon rrugët në pjesën veriore të qytetit
Pse u mbyll qeveria amerikane?
Qeveria amerikane drejt mbylljes, republikanët dhe demokratët akuzojnë njëri-tjetrin
Gjatë mbylljes së fundit, këta punonjës filluan të lajmëroheshin gjithnjë e më shumë si të sëmurë, duke çuar në vonesa në aeroport.
Planet e mbylljes së Departamentit të Transportit të SHBA-së përcaktojnë se punësimi dhe trajnimi i kontrollorëve të trafikut ajror do të vazhdojë.
Transporti publik brenda SHBA-së duhet të vazhdojë normalisht
Shoqata e Pasagjerëve Hekurudhor tha javën e kaluar se Amtrak dhe sistemet e transportit nuk duhet të preken në afat të shkurtër.
Shumica e formave të tjera të transportit publik në SHBA – si autobusët e qytetit, metrotë, hekurudhat e lehta, tramvajet dhe tragetet – nuk financohen nga qeveria federale dhe kështu do të funksionojnë normalisht.
Atraksionet dhe monumentet do të preken ndryshe
Një plan emergjence i Departamentit të Brendshëm ka përcaktuar se parqet kombëtare do të mbeten pjesërisht të hapura.
Në Uashington DC dhe Nju Jork, Instituti Smithsonian, i cili zotëron shumë muze, si dhe Kopshtin Zoologjik Kombëtar, ka thënë se ka fonde të mjaftueshme për të qëndruar i hapur për një javë.
Sipas Aleancës Amerikane të Muzeve – muzetë e Smithsonian humbën rreth një milion vizitorë gjatë mbylljes së fundit të qeverisë në fund të vitit 2018.
