Një 38 vjeçar është gjobitur ashpër nga Policia e Kosovës në Ferizaj pasi po voziste veturën nën masën mbrojtëse, raporton Gazeta Online Veriu.info.
Ai është dënuar nga Policia e Kosovës me 500 euro gjobë, 5 pikë negative, vazhdi masës mbrojtëse edhe për 6 muaj, si dhe i është konfiskuar automjeti.
Njoftimi nga Policia:
Gjobë ndaj shoferit në Ferizaj që drejtoi veturën nën masën mbrojtëse, ndalimi i drejtimit të automjetit
Ferizaj, 10/05/2024
Policia e Komunikacionit Rrugor në Ferizaj rreth orës 13:00 në Ferizaj ka ndaluar shoferin A.Ç(M/K) i moshës 38 vjeçar, i cili ka drejtuar veturën nën masën mbrojtëse, ku me ligjin e ri parashihet gjobë, vazhdim i masës mbrojtëse, pikë negative dhe konfiskim i automjetit.
Ndaj shoferit policia i ka shqiptuar një gjobë kundërvajtëse prej pesëqind (500) euro, pesë (5) pikë negative, vazhdim i masës mbrojtëse edhe për gjashtë (6) muaj, si dhe u janë konfiskuar përkohësisht automjetet.
Policia Rajonale e Ferizajt do të vazhdojë me aktivitete të shtuara, me synim parandalimin e aksidenteve në komunikacionin rrugor dhe apelojmë tek shoferët që të bëjnë kujdes në komunikacionin rrugor, të mos drejtojnë automjetet nën masën mbrojtëse të shqiptuar më herët.
Ndërsa, ftojmë qytetarët që të bashkëpunojnë më policinë.
Për të gjitha kundërvajtjet që shkaktohen në komunikacion, të njoftojnë menjëherë policinë, stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192,0290/326-250 & 0290/322-406.
Të dhënat e juaja do të ruhen në konfidencialitet të plotë.
