Policia e Kosovës ka intervistuar biznesmenin Sokol Shabani, pasi u denoncua për kërcënim nga asamblisti i VV-së në Ferizaj, Amir Rexhepi.
Intervistimin e tij e ka konfirmuar për Veriu.info zëdhënësi i Policisë për rajonin e Ferizajit, Kanun Veseli.
“Një anëtar i Kuvendit të Komunës së Ferizajt ka raportuar në polici një rast që ndërlidhet me një përfaqësues të një operatori ekonomik.Përveç zyrtarëve policorë të stacionit policor në Ferizaj, në trajtimin e rastit janë përfshirë edhe hetuesit e Sektorit Rajonal të Hetimeve.” – tha Veseli për Veriu.info.
Po ashtu Veseli tha se janë ndërmarrë veprimet e nevojshme hetimore për ndriçimin e rastit.
“Në koordinim me prokurorin e shtetit, janë ndërmarrë të gjitha veprimet e nevojshme hetimore për ndriçimin e plotë të rrethanave të rastit.Pas intervistimit të palëve nga hetuesit rajonal me vendim të prokurorit është iniciuar “Shënim zyrtar”.” – përfundoi Veseli për Veriu.info.
Asamblisti Amir Rexhepi para pak orësh njoftoi se kishte denoncuar biznesmenin Sokol Shabani për kërcënim.
Asamblisti i VV-së në Ferizaj, Amir Rexhepi, kërcënohet nga oligarku Sokol Shabani
