Klubi francez është i gatshëm t’ia ofrojë sulmuesit francez një shumë të jashtëzakonshme vetëm për të mos u larguar nga “Parku i Princave”
Paris Saint-Germaini po mundohet t’i përdorë të gjitha kartat për ta bindur Kylian Mbappen që të mos largohet nga klubi.
Gjiganti francez së fundmi e ka bërë gati një “ofertë të çmendur” për lojtarin e tij kryesor.
Në fakt, përfaqësuesi francez do të paguhet 1 milion funte në javë nëse e vazhdon kontratën me parisienët.
Për këtë siguron mediumi britanik “The Independent”, përcjell “Gazeta Express”.
PSG-ja rrezikon ta humbasë ish-futbollistin e Monacos, i cili duket se është i vendosur për t’u transferuar në Real Madrid.
Mbappe do të jetë lojtar i lirë gjatë verës që vjen pasi do t’i skadojë kontrata me klubin aktual.
Mirëpo, oferta më e re e parisienëve me siguri se do ta bëjë të mendojë dy herë lojtarin para se ta marrë vendimin final.