Nata e mbrëmshme ishte speciale për Cristiano Ronaldon.
Ylli portugez e shijoi një fitore të madhe më përmbysje me ekipin e tij, Al Nassr në ndeshjen e barazhit për t’u kualifikuar në fazën e grupeve të Ligës së Kampionëve të Azisë.
Ekipi i tij po humbiste 1:2 deri në minutat e fundit nga Shabab Al-Ahli, por përmbysi gjithçka në ato momente, shkruan “Gazeta Express”.
Falë dy golave të Taliscas (11’ e 90+5’) dhe nga një të Sultan Al-Ghannam (88’) e Marcelo Brozovic (90+7’), “CR7” me shokë e festuan një fitore speciale, e cila ua mundëson të jenë pjesë e garës më prestigjioze aziatike në futboll.
“Ndeshje e vështirë, por fitore e rëndësishme për t’u kualifikuar në Champions Leaguen Aziatike. Gjithmonë beso në fund. Kurrë mos u dorëzo”, shkroi njëri prej futbollistëve më të mirë në histori.
Kjo fitore vjen vetëm pak ditë pas triumfit në Kupën e Kampionëve të Klubeve Arabe, të cilën Ronaldo ia solli ekipit të tij, Al Nassr.
Pesë herë fituesi i Topit të Artë tash do të synojë ta fitojë ligën Saudi Pro League, ku në sezonin e kaluar përfundoi në vendin e dytë me ekipin e tij. /Gazeta Express/
