Kryeministri Albin Kurti e ka pranuar se nuk është interesuar shumë në lidhje me shkeljet e të drejtave të njeriut për ish-krerët e UÇK-së.
Ai nuk ka treguar nëse i ka informuar partnerët e Kosovës në lidhje me shqetësimet për shkeljen e të drejtave të çlirimtareve në Hagë në procesin gjyqësor kundër tyre.
Derisa është përgjigjur në pyetjet e deputetes se PDK-së, Ariana Musliu-Shoshi, në lidhje me këtë çështje, ai ka thënë se Kosova e ka trajtuar me seriozitet këtë çështje.
“Qeveria e Republikës së Kosovës e trajton me seriozitet çdo shqetësim që lidhet me respektimin e të drejtave të njërit përfshirë edhe Dhomat e Specializuar, në këtë drejtim komunikimi institucional me partnerët ndërkombëtar është i vazhdueshëm dhe i strukturuar duke i zhvilluar në mënyrë të përgjegjshme dhe në përputhje me natyrën e ndjeshme të proceseve”, ka thënë ai, duke përmendur edhe veprimet tjera.
“Po ashtu, nuk kemi hezituar të ngrejm zërin kundër vendimeve të padrejta ndaja krerëve të UCK-së siç ishte përshembull moslejimi i ish presidentit Thaçi për të marrë pjesë në varrimin e babait të tij si dhe pranimi i dokumeteve zyrtare të shtetit gjenocidal të Serbisë si prove në procesin gjyqësor atje”, ka thënë Kurti.
Sipas tij, Qeveria ka bërë çfarë ka mundur e sa ka ditur.
“Me çfarë kemi mundur e kemi ditur, nuk kemi pasur rezerva e as nuk jemi kursyer. Gjatë këtyre 5 vite e gjysmë gjethej janë ndarë nga Republika e Kosovës mbi 37 milionë për mbrojtjen e të akuzuarve padrejtësisht në Hagë. Pra nuk jemi kursyer për t`i mbrojtur me avokatët që janë përzgjedhur prej vete atyre”, ka thënë ai, duke përetenduar edhe një kontribut specifik.
“Kontributi më i madh që unë si kryeministër e kam dhënë për këtë çështje është kur si deputet i Kuvendit të Republikës nuk e kam votuar ndryshimin kushtetes dhe as ligjin për Dhomat e Specializuar në Kosovë”, ka thënë ai.
Më pas, deputetja e PDK-së e ka pyetur Kurtin, pse nuk po e zhbën Specialen.
“Fillimisht i përmende fondet, janë jashtëzakonisht të rëndësishme, mirëpo e ke pasur mundësinë që me e rritë fondin mbrojtës sepse e di dhe je i njoftuar në detaje se nuk është i mjaftueshëm.”, ka deklaruar ajo, duke e vazhduar polemiken e saj.
“Krejt fuqinë me e zhbë atë gjykatë. Pasi që je kaq shumë kundër saj dhe thatë se nuk e keni votuar. Pse nuk po e merr iniciativë me e zhbë atë gjykatë? E dimë të gjithë standardet që janë duke i aplikuar. Kryeministër mbi të gjitha, duke i mbrojtur çlirimtarët tanë, e mbron historinë dhe e mbron të drejtën tonë për të qenë shtet, e mbron luftën tonë çlirimtare dhe mbi të gjitha e mbron të ardhmen e këtij vendi.”, është shprehur ai.
Lidhur me shkelen e të drejtave të ish-krerëve të UÇK-së në Hagë, është dekalruar edhe Ministri i Punëve të Jashtme të Belgjikës, Maxime Prévot.
Gjatë një vite në Kosovë, ai ka thënë se nuk i posedon të gjitha detajet e nevojshme për të dhënë një vlerësim të plotë, duke theksuar se nuk dëshiron të japë përgjigje të pasakta pa verifikim paraprak të informacionit.
“Për të qenë krejt i ndershëm, unë nuk kam të gjitha detajet në lidhje me situatën për të cilën po flisni. Kjo është diçka të cilës duhet t’i kushtoj më shumë vëmendje. Nuk dua të improvizoj përgjigje dhe të bëj gabime. Do të kontrolloj me ekipin tim dhe do t’ia përcjell një qëndrim kolegut tim”, ka deklaruar ai.
