Është ndërprerë ndeshja mes Golden Eagle Yllit dhe Bashkimit, e vlefshme për javën e 21-të në Superligë.
Deri te ndërprerja e ndeshjes erdhi si shkak i fyerjeve të tifozëve ndaj Federatës së Basketbollit të Kosovës (FBK), si dhe hedhjes së një mjeti plasës, shkruan Gazeta Express.
Pas kësaj, gjyqtarët e ndeshjes kanë vendosur për të zbrazur palestrën “13 Qershori”.
Ndeshja pritet të rifillojë pasi të largohen të gjithë tifozët e pranishëm.
Vlen të theksohet se ndërprerjet e ndeshjeve janë bërë të zakonshme këtë sezon.
Ndryshe, ndeshja mes Yllit dhe Bashkimit u ndërpre kur kishin mbetur edhe 1:47 sekonda deri në fundin e saj.
Ylli po udhëheq bindshëm me rezultatin 73:58. /Gazeta Express/
