Nënkryetari i Prishtinës, Alban Zogaj, ka bërë të ditur se rruga nga rrethi i vogël i Arbërisë e deri te rrethi i madh që çon në drejtim të Fushë Kosovës, do të hapet për qarkullim këtë vit.
Sipas tij, hapja e kësaj rruge do të lirojë në masë të madhe trafikun.
Punimet janë duke vijuar me intensitet, pamje nga të cilat ka shpërndarë edhe nënkryetari Zogaj.
” Kjo është rruga nga rrethi i vogël i Arbërisë e deri tek rrethi i madh për Fushë Kosovë! Kjo rrugë e cila do të hapet për qarkullim këtë vit, do të liroj në masë të madhe trafikun në rrugën ‘Tirana’, por edhe në të gjithë qytetin” shkroi ai në Facebook.
