Dita e sotme në media nisi me gjoja shkarkimet e dy drejtorëve komunal nga kryetari i Prishtinës, Përparim Rama. Por kjo duket të jetë një farsë për publikun.
Nëse lexohen me kujdes vendimet e Ramës, por jo titujt e mediave, aty shihet se ai ka LIRUAR (jo shkarkuar) nga detyra drejtoreshën e Bujqësisë, Donjeta Gashi dhe drejtorin e Drejtorisë së Kadastrit Vigan Kastrati.
Veriu.info mëson se lirimi i tyre nga detyra është bërë me dakordim, si pjesë e planit për nisjen e fushatës parazgjedhore, ku në vend të tyre po shqyrtohet mundësia e emërimit të drejtorëve nga partitë e vogla me idenë e marrjes së mbështetjes të tyre në fushatë zgjedhore.
Burime të sigurta të Veriu.info bëjnë të ditur se tashmë ish Donjeta Gashi është punësuar në ndërmarrjen publike “TERMOKOS”, ku Komuna e Prishtinës zotëron 100% te aksioneve.
Pra, pas punësimit të saj në ndërmarrjen “TERMOKOS”, drejtoresha normalisht që është liruar nga detyra, sepse nuk mund t’i mbajë dy pozita pune në institucione publike.
Veriu.info mëson se për dallim nga disa ndërmarrje tjera, Përparim Rama (LDK) kontrollon Komisionin e Aksionarëve të “TERMOKOS”, i cili emëron Bordin e Drejtorëve të saj.
Raporti i Përparim Ramës me TERMOKOS-in?
Edhe pse Komisioni i Aksionarëve të “TERMOKOS” dominohet nga anëtarë të LDK-së, kryetari Rama kishte pasur mos-pajtime me drejtuesit e ndërmarrjes në fillim të këtij viti. Si pasojë e kësaj, LDK e Prishtinës kishte përjashtuar nga partia asamblistin Milazim Vitija, që është anëtarë i Komisionit të Aksionarëve dhe kryeshefin Fisnik Osmani.
https://indeksonline.net/ldk-largon-nga-partia-kryeshefin-e-termokosit-dhe-asambleistin-vitija-1/
Por duket se raportet mes tyre tashmë janë relaksuar dhe kjo ndërmarrje po shërben si “ent punësimi” për kuadrot politike të ekzekutivit komunal të Përparim Ramës. Kjo vërehet edhe nga postimet publike, ky prezent janë kryetari Rama e kryeshefi Fisnik Osmani.
Se lirimi nga detyra i drejtorëve Dragusha e Kastrati ishte i dakorduar, kjo vërehet pasi që të dytë në dy ditët e fundit kanë shpërndarë postime që e lartësojnë figurën e Perparim Ramës, përderisa nuk kanë bërë asnjë reagim pas lirimit nga detyra.
