Një aheng familjar është shndërruar në skenë krismash në fshatin Damjan të Gjakovës. Ngjarja ka ndodhur pas mesnate, më 17 gusht 2025, rreth orës 01:30, në restorantin “Gurra”.
Sipas informacioneve të para, persona të paidentifikuar kanë shtënë me armë zjarri në parkingun e lokalit, duke shkaktuar panik te të pranishmit.
Në vendngjarje, njësitë policore kanë gjetur dhe sekuestruar dhjetëra gëzhoja: • 37 gëzhoja kalibër 7.62×39 mm, • 7 gëzhoja të panjohura, • 1 gëzhojë kalibër 7.62 mm TT, • 5 gëzhoja të armës me gaz.
Menaxheri i restorantit dhe organizatori i dasmës, të intervistuar nga Policia, thanë se kanë dëgjuar krismat, por nuk kanë arritur të identifikojnë personat që shtënën, pasi në atë kohë ndodheshin brenda lokalit.
Prokurori kujdestar është njoftuar dhe ka urdhëruar që rasti të hetohet si “Shkaktim i rrezikut të përgjithshëm”, ndërsa hetimet për identifikimin e të dyshuarve po vazhdojnë.
