Një përleshje e dhunshme ka ndodhur pasditen e 16 gushtit 2025 në fshatin Llaushë të Skenderajt, ku janë përfshirë disa persona nga dy familje.
Policia njofton se rreth orës 16:00 është raportuar një incident në dyqanin “Ylli” në lagjen “Zyhrani”. Në vendngjarje është konstatuar se kishte shpërthyer një rrahje mes disa personave, ku janë përfshirë: • Qerim Sylanaj rreth 58-vjeçar, • Milaim Geci rreth 55-vjeçar, • Ervin Geci rreth 20-vjeçar, • Besim Geci rreth 52-vjeçar, • L. S. i mitur.
Viktimë e rastit është identifikuar Q. S. rreth 60-vjeçar.
Pesë personat e përfshirë janë shoqëruar në stacionin policor dhe janë intervistuar në praninë e avokatit mbrojtës. Gjatë bastisjes në shtëpinë e njërit prej të dyshuarve nuk është gjetur ndonjë provë shtesë.
Dy persona kanë kërkuar ndihmë mjekësore dhe sipas raportit të mjekut kanë pësuar lëndime të lehta.
Me urdhër të Prokurorit të Shtetit, katër të dyshuar janë dërguar në ndalim prej 48 orësh, ndërsa një i mitur është ndaluar për 24 orë. Hetimet për rastin po vazhdojnë.
