Arkitekti Berat Sadiku është kandidat për asamblist në listën e LDK-së për Kuvendin Komunal të Vushtrrisë me numër 34.
Kryetari i LDK-së në Vushtrri dhe kandidati i kësaj partie për kryetar komune, Xhafer Tahiri ka vlerësuar shumë kandidaturën e Berat Sadikut, duke theksuar se ai ka përfunduar për arkitekturë në Universitetin Teknik të Vjenës.
Ndryshe, Berat Sadiku ka qenë drejtor i Drejtorisë për Urbanizëm dhe Mbrojtje të Mjedisit gjatë qeverisjes së komunës nga Xhafer Tahiri në mandatin 2017-2021, raporton Veriu.info.
Postimi i Xhafer Tahiri:
Master në Arkitekturë në Universitetin Teknik të Vjenës, arkitekt dhe ligjërues në kolegjin UBT në fushën e Dizajnit Urban dhe Planifikimit Hapësinor, @beratsadiku_ është pjesë e listës fituese të Lidhjes Demokratike në Vushtrri.
🌿 Gjatë katër viteve si Drejtor i Urbanizmit, Berati ka dëshmuar përkushtim me punë konkrete në mbrojtjen e ambientit, shtimin e gjelbrimit dhe hapësirave publike. Ai është gjithashtu projektues i dy shesheve kryesore të qytetit: “Hasan Prishtina” dhe “Ahmet Krasniqi”.
Me përvojën profesionale dhe vizionin e tij, Berati angazhohet për një Vushtrri më të zhvilluar, më moderne dhe më të gjelbër. 💙
