Skandal: Ku shkuan mijëra të tërhequra ‘kesh’ nga llogaria e FC Vushtrria si “pagesë për policinë”? Policia mohon të kenë pranuar para kesh (Dokument)

Në kuadër të hulumtimit për disa transaksione financiare të dyshimta të FC Vushtrria, Veriu.info ka zbuluar se nga llogaria bankare e këtij klubi janë tërhequr mijëra euro për një pagesë të paqenë.

Transaksionet e dyshimta të FC Vushtrria, 130 mijë euro pagesa në xhirollogarinë e kompanisë që merret me hekur e çelik (Dokument bankar)

Në dokumentet e siguruara nga redaksia, shihet se më 22.08.2024 nga xhirollogaria e FC Vushtrria janë tërhequr 3 mijë e 830 euro, të evidentuara si “pagesë e policisë për punë sekondare”, që lidhet me sigurimin e ndeshjeve të futbollit.

Megjithatë, një sinjalizues brenda klubit ka treguar për Veriu.info se zyrtarët policorë që angazhohen për sigurinë e ndeshjeve nuk paguhen nga klubi, por përmes xhirollogarisë bankare të Policisë së Kosovës.

Për ta verifikuar këtë pretendim, Veriu.info i është drejtuar Policisë së Kosovës me pyetje nëse zyrtarët policorë që angazhohen në punë sekondare paguhen përmes xhirollogarisë zyrtare apo me para në dorë.

Raportimet e Veriu.info për keqpërdorime në FC Vushtrria: Largohet nga pozita e kryetarit Shemsi Rrahimi, i cili mori mijëra euro së bashku me vajzën e tij

Zyra për Informim e Policisë së Kosovës ka konfirmuar ekzistencën e marrëveshjes me FC Vushtrria për sigurimin e ndeshjeve sportive, por ka theksuar se pagesat kryhen vetëm në llogarinë bankare të institucionit.

“Zyrtarët policorë të cilët punojnë në punë sekondare paguhen përmes xhirollogarisë. Klubi i futbollit FC Vushtrria ka pas marrëveshje për sigurimin e ndeshjeve sportive me Policinë e Republikës së Kosovës për vitin 2024 dhe ka marrëveshje edhe për vitin 2025. Klubi pagesat i bënë në xhirollogarinë e Policisë se Kosovës, pastaj punonjësit të cilët kanë punuar në punë sekondare kompensohen së bashku me pagë nga buxheti i Policisë se Kosovës”, thuhet në përgjigjen e Zyres për Informim të Policisë së Kosovës për Veriu.info.

Drejtori sportiv i FC Vushtrria, Liridon Ahmeti me pagë më të ‘majme’ se sa futbollisti më i paguar (Dokument)

Ky nuk është rasti i vetëm i dyshimtë. Në qershor, Veriu.info raportoi për transaksione të tjera nga FC Vushtrria në drejtim të kompanisë “Inter Steel” Sh.P.K., në vlerë prej 130 mijë euro. Kjo kompani nuk ka lidhje me sportin, pasi aktiviteti i saj kryesor është tregtia e profileve metalike, llamarinës së zinkuar dhe lëndëve të para të çelikut.

Ndërkohë, futbollistët e FC Vushtrria gjatë 12 muajve të fundit janë përballur me vonesa disa mujore në pagesat e pagave dhe me mos-shlyerjen e trustit pensional.

Duhet theksuar se FC Vushtrria është e regjistruar si OJQ me numër regjistri 5110503-6 dhe funksionon me mjete të mbledhura në bazë të Ligjit për Sponsorizim. Për këto mjete, klubi ka detyrim ligjor të raportojë në Ministrinë e Kulturës, Rinisë dhe Sporteve, si dhe në Administratën Tatimore të Kosovës. Këto të hyra sigurohen nga bizneset të cilat përfitojnë lirimin prej 30% të shumës që duhet ta paguajnë për tatimin në fitim, gjë që nënkupton se indirekt bëhet fjalë për para publike./Veriu.info

Dështim sportiv, fitim personal: Kryetari i FC Vushtrrisë, Shemsi Rrahimi dhe vajza e tij u paguan mijëra euro nga klubi (Dokument)

“Shpëtimtari” Shaip Mikullovci dështon me “FC Vushtrria”, në pozita kyçe vendosi punëtorin dhe dhëndrrin, lojëtarët i la pa paga për muaj të tërë

Edhe pse kanë sponsor kryesor Shaip Mikullovcin, lojëtarët e FC Vushtrria tre muaj pa paga – mund të mos pranojnë të luajnë të shtunen