Veterani i UÇK-së në Shtetet e Bashkuara të Amerikës, Uk Lushi, ka reaguar me tone të ashpra ndaj ambasadorit gjerman në Kosovë, Rainer Rudolph, dhe Gjermanias, duke i akuzuar për qëndrime negative ndaj ish-krerëve të UÇK-së.
Përmes një postimi publik, Lushi ka pretenduar se Gjermania synon “me çdo kusht dhe me çdo mjet” dënimin e liderëve të UÇK-së, përfshirë edhe Hashim Thaçin.
Ai gjithashtu ka theksuar se Gjermania ka qenë ndër faktorët kryesorë që, sipas tij, kanë tentuar të barazojnë krimet e shqiptarëve me ato të Serbias, duke e cilësuar këtë si qasje të padrejtë ndaj historisë së luftës në Kosovë.
Në reagimin e tij, Lushi ka kritikuar edhe politikanët vendorë për, siç thotë ai, mbështetje të tepruar ndaj faktorëve ndërkombëtarë, duke shtuar se shtetet e huaja përfaqësojnë kryesisht interesat e tyre.
Postimi i tij përmban edhe kritika më të gjera ndaj rolit të Gjermanisë në Ballkan, duke e lidhur atë me interesa ekonomike dhe demografike, si dhe me ndikimin në zhvillimet politike në rajon.
Postimi i tij i plotë:
Pse po çuditeni?!
Ambasadori aktual i Gjermanisë Rainer Rudolph dhe Gjermania i duan Hashim Thaçin dhe liderët e UÇK-së në burg me çdo kusht dhe me çdo mjet.
Gjermania ka qenë ndër faktorët kryesorë të tentim barazimit të gjoja krimeve shqiptare me krimet e Serbisë.
Gjermania për interesa puro të saja kryesisht ekonomike dhe fuqi punëtore dhe demografike të lirë dhe të re e ka bërë krejt Ballkanin teatër absurd politik me Kleinstaaterei e fragmentizime që nuk sjellin zhvillim ekonomik kurrë.
Mirëpo faleminderit Zotit që mbi Gjermaninë ka një fuqi si ShBA dhe as Rudolph dhe as Gjermania nuk do të kenë kënaqësinë të shohin George Washingtonin e Kosovës me shokë në burg të përjetshëm.
Dua t’i rikujtoj disa proponentë të PDK-së se ka kohë që u kam thënë mos u vuzhvolloni si tepër me të huaj dhe ambasadorë të huaj sepse ata përfaqësojnë interesat e veta e jo të Kosovës dhe shqiptarëve. Nuk ua rrasin si kujtojnë shumë shqiptarë naivë as Kosovës dhe as juve.
Rainer Rudolph le të na shpjegojë pse Gjermania u bashkua si komb e kombet tjera të ndara nuk u deshka të bëjnë si gjermanët e Rainerit.
Prandaj:
Halt die Klappe, Rainer!
