Garacioni në produkte është njëra ndër arsyet që një konsumator e bind ta blej një produkt teknologjik, por që shpeshherë ai mbetet vetëm një kujtim i hidhur ne letër.
Një qytetare nga Gjilani i është drejtuar redaksisë së portalit Veriu.info me një ankesë për kompaninë “Neptun Kosova”, pasi që thotë se nuk po i përgjigjen në garancionin 2 vjeçar që i kanë dhënë për telefonin e blerë para 1 viti.
Veriu.info para pak ditësh ka publikuar një artikull për një rast tjetër, në të cilën tregohet se si kompania “Neptun Kosova” është gjobitur nga Inspektorati për shkak se nuk i ishte përgjigjur klientit për defektin e pajisjes, edhe pse e njëjta kishte garancion.
Përmes denoncimit të rastit në Veriu.info, qytetarja ka bërë edhe një postim të Facebook:
Përvojë shumë zhgënjyese me Neptun Gjilan.
Para 1 viti kam blerë një telefon 170€ me garancion. Tani telefoni ka dalë me problem (teli), dhe e kam dërguar për servis duke besuar në garancion.
Nga servisi më është thënë “dëmtim nga përdorimi”, edhe pse telefoni nuk ka asnjë dëmtim fizik. Për më tepër, më kërkuan 70€ për rregullim.
Sot kur shkova përsëri:– mora përgjigje jo profesionale nga stafi– më thanë se telefoni mund të dërgohet në servis dhe të kthehet i prishur– u përmend se “po ua prishi imazhin”, ndërkohë që unë vetëm po kërkoj të drejtën time
Gjithashtu, komentet e mia këtu janë fshirë.
Unë po kërkoj vetëm:– sqarim të qartë– raport teknik– dhe trajtim të drejtë sipas garancionit
A ka pasur dikush tjetër përvojë të ngjashme me këtë problem?
