Rrjetet e markteve në Kosovë vazhdojnë të mashtrojnë konsumatorët me çmime, duke vendosur çmime më të lira në rafte e pastaj pagesë më e lartë në arkë.
Një rast të tillë e ka denoncuar në adresë të Gazetës Online Veriu.info një qytetar, i cili ka dërguar dëshmi të mashtrimit me çmim në marketin “Albi Market” me pronar Tahir Humollin që ndodhet në Albi Mall.
Ai ka dërguar dëshmi të këtij mashtrimi me video dhe me fotografi, ku siç shihet qumështi aplsko në raft ka pasur çmim 1.39 euro, kurse në arkë i është faturuar me çmim 1.45 euro.
Por ky nuk është rasti i vetëm i Albi me pronar Tahir Humolli, pasi Veriu.info raportoi para pak kohësh se si inspektorati kishte dënuar këtë biznes me gjobë për shkak të mashtrimit me çmime.
Ndryshe, kompania “Albi Shopping” Sh.P.K.është në pronësi të biznesmenit Tahir Humolli, i cili është edhe përfaqësues i autorizuar i kompanisë. “Albi Shopping” Sh.P.K. ka në pronësi qendrën tregtare Albi Mall në Veternik të Prishtinës dhe një rrjet të super-marketeve anembanë Kosovës.
