Brazili miraton rregulla më të rrepta, për rrjetet sociale. Presidenti brazilian Luiz Inácio Lula da Silva ka lëshuar dy dekrete që shtrëngojnë rregullat për rrjetet sociale dhe platformat dixhitale, si pjesë e përpjekjeve të qeverisë për të frenuar gjuhën e urrejtjes, dezinformimin dhe krimin online.
Masat kërkojnë që platformat që operojnë në Brazil të ndërmarrin veprime “proaktive dhe proporcionale”. Gjithashtu synojnë parandalimin dhe përhapjen e përmbajtjes kriminale, duke formalizuar standardet e përcaktuara vitin e kaluar nga Gjykata Supreme e Brazilit.
