Kur lind një fëmijë, shpesh dëgjojmë komente nga të afërmit që thonë: “Ka sytë e nënës” ose “Ka hundën e gjyshit”. Megjithatë, ka disa karakteristika që fëmijët mund t’i trashëgojnë vetëm nga baballarët e tyre.
Problemet me zemrën
Ekziston një gjen që transmetohet drejtpërdrejt nga babai te fëmija dhe që lidhet me rrezikun për infarkt. Sipas ekspertëve, ky gjen mund të rrisë deri në 50% mundësinë për të zhvilluar probleme kardiake. Prandaj, nëse babai ka pasur histori të sëmundjeve të zemrës, këshillohet që fëmijët të kontrollohen që në moshë të hershme.
Gjatësia
Zakonisht besohet se gjatësia është një mesatare mes dy prindërve, por disa studime sugjerojnë se geni i babait ka ndikim më të madh – madje mund të ndikojë me rreth 3 centimetra më shumë në gjatësinë e fëmijës.
Shëndeti mendor
Çrregullimet mendore, si skizofrenia apo depresioni i thellë, mund të jenë të trashëgueshme. ADN-ja e babait luan një rol kyç në përcjelljen e këtyre gjeneve, duke rritur predispozitën te fëmija në rast se babai vuan nga çrregullime të tilla.
Problemet me dhëmbët
Forma e nofullës, struktura e dhëmbëve dhe predispozita për probleme dentare mund të trashëgohen nga babai. Kjo ndikon jo vetëm në pamjen, por edhe në nevojën për trajtime dentare që në fëmijëri.
Ngjyra e syve
Ngjyra e syve është rezultat i kombinimit të gjeneve nga të dy prindërit, por genet e babait kanë tendencë të dominojnë në këtë aspekt.
Gjinia e fëmijës
Është e provuar shkencërisht se babai përcakton gjininë e fëmijës. Kjo ndodh përmes kromozomit që bart sperma e tij – X për vajzë dhe Y për djalë – që kombinohet me kromozomin X të nënës.
