David Silva rikthehet në futboll në moshën 40 vjeçare. Lojtari i cili u pensionua pas kohës së tij në Real Sociedad në korrik 2023 , do t’i lidhë përsëri këpucët e tij për Supreme Sha Tin në ligën e Hong Kongut.
“Po njoftojmë zyrtarisht se mesfushori legjendar spanjoll David Silva , i cili mban veshur fanellën me numër 21, i është bashkuar zyrtarisht Supreme Sha Tin! Ai do të mbërrijë së shpejti në Hong Kong për t’u sistemuar, për t’u bashkuar me seancat stërvitore të ekipit dhe për t’u rikthyer në formën më të mirë fizike para se të debutojë në fushë. Qëndroni në kontakt!” thuhet në deklaratën e klubit.
David Silva njoftoi tërheqjen e tij nga futbolli profesionist më 27 korrik 2023, pas një karriere 20-vjeçare . Ai e bëri këtë me një video emocionale në të cilën rishikoi kohën e tij në fushë dhe e mbylli me “faleminderit, futboll”.
Ai u detyrua të hiqte dorë në moshën 37 vjeç pas një këputjeje serioze të ligamentit të kryqëzuar anterior. Por tani ai do t’i lidhë përsëri këpucët e tij./Indeksonline/
