E porosit qysh të duash: e thirr drejtorin dhe i thu “shtine nën hetim Albulena Haxhiun”…E shti nën hetim Albulenën, masnej pas 5 vitesh ndoshta e del pafajshme, por pesë vjet politike dhe karriera e saj shkon.
Kështu e përkthen krejt mënyrën dhe përmbajtjen se si është ndërtuar edhe për të dytën herë Ligji për Byronë e Konfiskimit të Pasurisë së Papërligjshme nga Qeveria e Albin Kurtit, shefi i Grupit Parlamentar të Lidhjes Demokratike të Kosovës, Arbe Gashi.
Ky ligj “do të rrëzohet”, shprehet i bindur Gashi në një intervistë me “Periskopi”-n, duke ia bërë leximin politik se çfarë po synojë të ndërtojë Vetëvendosja me këtë institucion: për të cilin, sikur dy plus që bëjnë katër, e sheh “të rrezikshëm…me potencial të jashtëzakonshëm për abuzim…për të eliminuar kundërshtarët politikë (…)”.
Gashi e nis duke e vlerësuar për anti-ligjor, anti-logjikës institucionale: e mb të gjitha antikushtetuese edhe kësaj here Ligjin për Byronë e Konfiskimit e Pasurisë së Papërligjshme. Në mendjen e tij, ky instrument që e trumbeton qeveria, është “jashtëzakonisht i rrezikshëm” dhe nis e shtjellon pse.
Nga e para…
“Ligji për Byronë vazhdon t’i ketë të njëjtat probleme; me ndërhyrjet që janë problemet janë përkeqësuar – sidomos, te përzgjedhja e drejtorit ekzekutiv: sepse thotë që përzgjedhja e drejtorit ekzekutiv, përbërja e komisionit ku do të jetë përfaqësuesi i ministrisë, i agjencisë kundër korrupsionit, etj., etj., që i bjen që janë krejt përfaqësues ekzekutiv. Dhe, vendimi merret me shumicë të thjesht të votave në Kuvend të Kosovës”, tha Gashi.
“Prap i bjen që një shumicë e thjeshtë parlamentare mund ta kontrollojë komplet agjencinë – dhe, kjo agjenci, me karakteristika shumë të ndijshme mund të shndërrohet në instrument politik për eliminim të kundërshtarëve politikë; apo kujtdo që ekizston jo vetëm në fushën politie – edhe të bizneset: thjesht e merr e shti nën hetime, ia ngrinë asetet dhe e nxjerr prej tregut”, vazhdoi Gashi.
Vetë mënyra e përzgjedhjes së përbërjes së këtij institucioni: është antikushtetuese – tregon Gashi
“Dhe, në rast se dështon Kuvendi i Kosovës, dy herë ose tri herë, mund të emërohet me automatizëm nga komisioni, pa vendim të Kuvendit; dmth, merr kompetenca të Kuvendit. Apo nëse nuk e zgjedh hiç, e zgjedh drejtori i agjencisë kundër korrupsionit – bëhet drejtor edhe i kësaj agjencie. Që është konflikt ligjor, konflikt kushtetuese, dhe konflikt logjik institucional”, shtoi ai.
“Këta çfarë kanë bë është antikushtetuese dhe e papranueshme, e dëmshme e mbi të gjitha e rrezikshme për sistemin dhe qytetarët e Kosovës. Ligji do të rrëzohet (prap), unë jam i bindur”.
Për Albulena Haxhiun, Ministren e Drejtësisë, Gashi vlerëson se ajo “nuk e kupton” sistemin e drejtësisë, dhe as drejtësinë si të tillë.
“Drejtësia duhet të ndajë drejtësi e jo të bëhet palë politike”.
“Zonja Haxhiu, prej krejt personave që janë në politikë, më së paku e kupton sistemin e drejtësi. Qe katër vjet e nuk e kupton, dhe nuk e kupton se çka është ndarje e drejtësisë. Ndamja e drejtësisë është ndarja e një vendimi mbi bazën e një ligji, dhe jo mbi bazën e vullnetit politik të një ministri apo të ndonjë partie politike apo kujtdoqoftë tjetër”.
“Problemi i saj, i Vetëvendosjes, dhe i zotit Kurti është se ata mendojnë që institucionet e drejtësisë duhet të bëhen palë politike. Bërja palë politike e institucioneve të drejtësisë është e rrezikshme, sepse nesër vjen një palë tjetër politike dhe pas zgjedhjeve të 9 shkurtit, Albulena mund të mos jetë ministre”, vazhdoi ai.
“Mund të jetë dikush tjetër; e me qatë instrument, me qat Byro, e para që do të mund të shkonte në burg do të jetë Albulena. Sepse mund të porositet qyshdo: e thirr drejtorin i thu ‘shtine në hetim Albulenën’; sepse qashtu është i ndërtum ai institucion. E shti nën hetim Albulenën, masnej pas 5 vitesh ndoshta e del pafajshme, por pesë vjet politike dhe karriera e saj shkon”.
As si kryeministër ndonjëherë Gashi thotë se s’do ta preferonte këtë instrument – ashtu siç e ka ndërtuar në letër Vetëvendosja – ta kishte në dorë.
“Pra, po ndërtojnë një sistem që është jashtëzakonisht i rrezikshëm. Dhe gjasat janë që dikush tjetër ka me pas as sistem në dorë. E unë nuk e du me pas dikush tjetër, nuk du kurrëkush me pas at sistem në dorë”.
“As partia jeme, as unë vet, nuk du. Nuk duhet me pas. Unë vet nesër, kryeministër, nuk du me pas në dorë një sistem i cili mbi këtë bazë ku unë personalisht mundem me vendos se kush hyn nën hetim dhe kush shkon në burg. Sepse ai është potencial për abuzim, instrument abuzues, jam i bindur që kanë me abuzu, kushdo që të jetë. Duhet me pas karakter tepër të fort (mos m’e abuzu), përkushtim tepër të fort për mos me abuzu kur e ke ate instrument në dorë”, vazhdoi ai.
“Ne kemi pasur problem me mënyrën se si zoti Thaçi e pati ndërtuar at tast-forcën kundër korrupsionit. Sepse ka qenë në kundërshtim me ligjin dhe ka përdor, kemi deklaruar në kuvend që është instrument që përdoret prej kryeministrit, nuk duhet me pas aso instrumente, sepse e porosisin kur të don, i bëjnë presion kujt të dojnë, shteti duhet të jetë i balancuar dhe kontrolluar, dhe për atë angazhohem unë.
Unë besoj që duhet të ketë instrumente llogaridhënëse, të mos ketë asnjë inst që i lihet në diskrecion të plotë individit, sepse individi në një moment të caktum e sheh një interes apo një rrezik, dhe e përdor sistmein për interesa të veta, ose të dikutj brenda grupit të tij, dhe kundër interesave të dikutj tjetër”, përfundoi Gashi.
