Gjykata Themelore në Mitrovicë i ka caktuar edhe dy muaj paraburgim, pjesëtarit të Njësisë për Ndërhyrje të Shpejtë në Policinë e Kosovës, Fatmir Uka, i dyshuar për përvetësim në detyrë.
Vazhdimin e paraburgimit edhe për dy muaj për Veriu.info e ka konfirmuar ezëdhënësja e Gjykatës Themelore në Mitrovicë, Hateme Haxhaj.
“Lidhur me kërkesën tuaj për informacione, ju njoftojmë se të pandehurit F.U. i është vazhduar masa e paraburgimit edhe për dy (2) muaj, përkatësisht deri më datën 15.06.2026”, ka thënë zëdhënsja Haxhaj për Veriu.info.
Më 14 mars Veriu.info kishre publikuar një video ku shihet polici Fatmir Uka duke kërcënuar qytetarin Shkelzen Salihu, i cili e akuzonte se po ia vidhte mallin cigare.
Pas publikimit të videos nga Veriu.info, ishte aktivizuar Inspektorati Policor duke kryer veprime aktive hetimore për rastin.
Më 17 mars Inspektorati Policor kishte suspenduar për këtë rast pesë zyrtarë policor, ku njërin prej tyre, Fatmir Ukën edhe e kishte ndaluar për 48 orë.
Inspektorati Policor kishte bërë të ditur se këta zyrtarë policor dyshohen për përvetësim në detyrë të 24 paketave me cigare në vlerë prej 30 mijë euro.
