Instituti Kombëtar i Shëndetësisë Publike në Kosovë u ka bërë thirrje qytetarëve të mos e konsumojnë serinë e qumështit VITA UHT 3.2 yndyeë për shkak të pranisë së aflatoksinës M1 mbi nivelin maksimal, raporron Gazeta Online Veriu.info.
Sipas IKSHPK-së bëhet fjalë për qunështin Vita 1l prodhuar nga 18.07.2026 deri më 18.01.2027, pasi sipas analizave të kryerna nga AUV që u kryen në Austri doli se kishte përqendrim të aflatoksinës M1 prej 0.065 µg/kg, ndërsa niveli maksimal i lejuar është 0.050 µg/kg.
Sipas njoftimit kjo substancë është toksike dhe paraqet rrezik për shëndetin sidomos për mëlçinë.
Kujtojmë që AUV dje njoftoi vendimin për tërheqjen nga tregu të kësaj serie të qumështit Vita.
Njoftimi:
Qytetarët të ndjekin rekomandimet e Agjencisë së Ushqimit dhe Veterinarisë për moskonsumimin e serisë së identifikuar të qumështit VITA
Prishtinë, 17 nëntor 2026
Bazuar në njoftimin dhe rekomandimet e Agjencisë së Ushqimit dhe Veterinarisë (AUV), ua rikujtojmë qytetarëve se seria e identifikuar e qumështit VITA UHT 3.2% yndyrë është tërhequr nga tregu, pasi analizat laboratorike kanë konfirmuar praninë e aflatoksinës M1 mbi nivelin maksimal të lejuar.
Produkti për të cilin vlen paralajmërimi i AUV-it:
• Produkti: VITA – Qumësht UHT 3.2% yndyrë
• Prodhuesi: ABRAZEN SH.P.K. (Qumështorja VITA)
• Paketimi: 1 litër
• Data e prodhimit: 18.07.2026
• Afati i përdorimit: 18.01.2027
Sipas rezultateve të publikuara nga Agjencia e Ushqimit dhe Veterinarisë, analizat laboratorike të kryera në Austri kanë konstatuar përqendrim të aflatoksinës M1 prej 0.065 µg/kg, ndërsa niveli maksimal i lejuar është 0.050 µg/kg.
Aflatoksina M1 është substancë toksike dhe ekspozimi i vazhdueshëm e afatgjatë ndaj saj mund të paraqesë rrezik për shëndetin, veçanërisht për shkak të efekteve të mundshme në mëlçi.
IKSHPK mbetet e përkushtuar në komunikimin me qytetarët dhe mbrojtjen e shëndetit publik.












