(Lajm i përditësuar) Më 18 prill ministri në detyrë i Ministrisë së Bujqësisë Faton Peci kishte njoftuar se Agjencia e Ushqimit dhe Veterinarisë ka pezulluar lejet e importit për kafshë të gjalla nga Rajoni dhe BE për 28 operatorë ekonomik.
Peci kishte thënë se për dekada janë improtuar në Kosovë kafshë me dokumenta të falsifikuara, që sipas tij, paraqesin rrezik për sigurinë ushqimore deri te evazioni fiskal që i është shkaktuar shtetit në vlera qindra milionëshe.
Duke shfrytëzuar të drejtat që na i jep Ligji për Qasje në Dokumente Publike, Veriu.info ka kërkuar nga Agjencia e Ushqimit dhe Veterinarisë qasje në gjitha vendimet për pezullimin e lejeve të importit të kafshëve për 28 operatorët ekonomik që iu është pezulluar leje. Deri në momentin e publikimit të këtij artikulli AUV nuk na ka ofruar qasje, por që janë brenda afatit ligjor prej 7 ditësh.
Veriu.info ka siguruar emrat e disa kompanive nga 28 sosh, që u janë pezulluar lejet e importit (sapo të na jep qasje AUV do t’i publikojmë listën e plotë):
Elvis Lina Sh.P.K., Pronarë: Bislim dhe Ifran Spahiu; Adresa: Podujevë
Luka Company Sh.P.K.; Pronar: Arif Spahiu; Adresa: Podujevë
ERDA Com Sh.P.K.; Pronarë: Halim, Agon e Nexhmije Qerimi; Adresa Podujevë
BullsAgro Sh.P.K.; Adresa: Podujevë
NTP Nushi.; Adresa: Ferizaj
Beesi FB Group Sh. P.K.; Pronar: Besim Bunjaku; Adresa: Vushtrri
MELI Sh.P.K.; Pronar/aksionar: Meli Holding (Ramadan Bunjaku, Mensur Bunjaku e Besim Bunjaku); Adresa: Sallabajë – Podujevë
Buquku Sh.P.K.; Pronar: Jeton Buquku; Adresa: Pejë
FRON Sh.P.K.; Pronar: Mustafë Halili, Adresa: Prishtinë
Hudea Sh.P.K.; Pronar: Valmir Humolli; Adresa: Podujevë
DIBRANI COMPANY Sh.P.K.; Pronar: Dibran Gashi; Adresa: Suharekë
NARONI 2022 Sh.P.K.; Adresa: Podujevë
AJLA 2021 Sh.P.K.; Pronar: Shaban Rrahimi: Adresa: Podujevë
Gezimi Mall Sh.P.K.; Pronar: Gëzim Bajrami; Adresa: Podujevë
Veriu.info ka dërguar pyetje në e-mail e numra telefonik të të gjitha kompanive të apostrofuara më sipër, për të kërkuar përgjigje për arsyen e pezullimit të lejeve të importit për kafshë të gjalla nga vendet e rajonit dhe BE, por përgjigje kemi marrë vetëm nga Buquku Sh.P.K. dhe Luka Company Sh.P.K.
Në pjesën e dytë të artikullit që do të pubkikohet sonte, mund të lexoni përgjigjet e kompanisë Buquku Sh.P.K., Luka Company Sh.P.K. dhe përgjigjen e Agjencisë së Veterinarisë dhe Ushqimit, ku kuptohet se si postimi i ministrit të Bujqësisë në detyrë, Faton Peci, ishte vetëm për konsum ditor, ani pse ai në postim thoshte se s’po ka interesim nga mediat për këtë ‘angazhim’.
P.S.: Veriu.info është duke hulumtuar edhe rastin e njërës prej kompanive që u është hequr licenca, ku në mjetin e tyre para disa vitesh në Serbi ishte konfiskuar një sasi e konsiderueshme e lëndëve narkotike.
Sqarim: (Emrat e kompanive Erjoni Group Sh.P.K., Reisa 2022 Sh.P.K., Naroni Bulls Sh.P.K. dhe Learti – H Sh.P.K. janë përmendur gabimisht në shkrim, me ç’rast ju kërkojmë falje për këtë lëshim. Këtu tri kompani nuk gjenden në listën e lejeve të pezulluara, edhe pse ne iu kemi derguar pyetje 24 orë para publikimit të artikullit, por nuk kemi marr përgjigje)
