Ish zëvendëskryeministri i Maqedonisë, Artan Grupi, javën e kaluar ishte shpallur person “Non Grata” nga ShBA, ku më pas ai dha dorëheqje edhe nga funksionet e tij politike në BDI-në e udhëhequr nga Ali Ahmeti
Ish sekretari organizativ i BDI-së, Artan Grupi po kërkohet nga policia e Maqedonisë së veriut, ku ka pasur, pasi që kishte raportime se ai në momentin e largimit nga Maqedonia e veriut kishte hyrë me një veturë diplomatike në Kosovë, raporton Veriu.info.
Ani pse njeriu më i afërt i tij u shpall “Non Grata” nga ShBA dhe gjendet në kërkim policor, kryetari i BDI ka qendruar sot në Kosovë ku është takuar me drejtuesit e partive opozitare, Memli Krasniqi, Lumir Abdixhiku e Ramush Haradinaj.
Ahmeti ka publikuar foto nga këto takime, por nuk ka thënë asnjë fjalë për Artan Grubin, i cili dyshohet se ka hyrë në Kosovë pas largimit nga Maqedonia e veriut.
Dje, në mëngjes policia ka bastisur shtëpinë e ish zv/kryeministrit nga radhët e BDI-së, Artan Grubi dhe shtëpinë e ish-drejtorit të Lotarisë së Maqedonisë, Përparim Bajrami. Nga MPB thonë se, bastisjet janë bërë rreth dyshimeve për krim në Lotarinë e Maqedonisë.
“Sot në Prishtinë takova Ramushin, Memlin dhe Lumirin më të cilët bisedova për Kosovën, rajonin dhe për të ardhmën e përbashkët euroatlantike.
Kosova ka nevojë për miq e aleat dhe zgjidhja e vetme është njohja reciproke, por kjo arrihet vetëm me politika progresive dhe përkushtim për të ardhmën.
Përkrahja e ime për Kosovën nuk do të mungojë asnjëherë! Ju faleminderit për mikëpritjen vëllezër”, ka shkruar Ali Ahmeti pas takimeve.
