Shkelja e të drejtave të konsumatorit në Kosovë është kthyer në një problem të madh, sidomos nga bizneset e mëdha, të cilat në shumë raste nuk “lodhen” shumë për zbatimin e ligjit.
Veriu.info ka siguruar një vendim të Inspektoratit Qendror të Mbikëqyrjes së Tregut të Ministrisë së Tregtisë, me të cilin është gjobitur me 1 mijë euro kompania “Durmart” L.L.C., e cila menaxhon me rrjetin e marketeve Durmart.
Pas ankesës së një konsumatori, inspektorët e IQMT-së kanë inspektuar pikën e Durmart në magjistralen Prishtinë – Mitrovicë, ku kanë konstatuar se ankesa e konsumatorit ishte e bazuar.
“Në momentin e inspektimit subjekti afarist nuk e ka pasur të vendosur çmimin e shitjes në produktin për të cilin është ankuar konsumatori: Llokum Evropa Seda 1 kg”, thuhet në arsyetimin e vendimit, duke bërë të ditur se ky veprim është në kundërshtim me Ligjin për Mbrojtjen e Konsumatorit.
Ndryshe, “Durmart” L.L.C. është në pronësi të biznesmenit Agron Durmishi, i cili zotëron 100% të aksioneve të kompanisë.
LEXONI EDHE:
“Durmart” i Agron Durmishit mashtron me çmime në muajin e Ramazanit (Foto)
Ankohet mitrovicasi: Mashtrim me çmime në QTA – në fletushkë 1.99 euro dhe në market 2.79 euro
