Një rast vjedhjeje është raportuar në fshatin Soçanicë të Leposaviqit, ku është dëmtuar G. R. rreth 54-vjeçar.
Sipas burimeve, më 17 gusht 2025 rreth orës 14:30, i dëmtuari ka raportuar se i janë vjedhur rreth 25 metra drunjë për ngrohje, të cilët i kishte të paluar në afërsi të lumit të Cerajes. Radoviq ka treguar se shoku i tij, me të cilin i posedonte drunjtë, kishte qenë për herë të fundit në lokacion më 1 gusht, ndërsa më 16 gusht, kur ai kishte shkuar për t’i parë, nuk i kishte gjetur më.
Ai ka deklaruar se vlera e drunjve arrin rreth 1,250 euro, por nuk ka dyshime ndaj ndonjë personi.
Njësitë policore, së bashku me hetuesit, kanë dalë në vendngjarje, kanë kryer ekzaminimin dhe fotografimin e zonës, ndërsa janë përpjekur të intervistojnë edhe ortakun e viktimës, i cili aktualisht ndodhet në pushime dhe pritet të merret në pyetje ditëve në vijim.
Për rastin është njoftuar prokurori kujdestar, i cili ka urdhëruar që rasti të iniciohet si “Vjedhje” dhe të vazhdojnë hetimet.
