Një incident i rrezikshëm është raportuar dje pasdite në fshatin Polac të Skenderajt, ku një veturë është goditur nga një plumb qorr gjatë lëvizjes.
Sipas burimeve, më 17 gusht 2025 rreth orës 17:30, viktima Z. Gashi rreth 51-vjeçar ka njoftuar se derisa po udhëtonte me veturën e tij Audi 80 ngjyrë hiri, në afërsi të një rrethrrotullimi ka dëgjuar një goditje dhe ka vërejtur se një plumb kishte shpuar pjesën e përparme, në anën e djathtë mbi kulm, pranë vendit të pasagjerit.
Predha është gjetur në tokë dhe është konfiskuar nga njësitet policore si dëshmi, ndërsa automjeti ka pësuar dëme materiale. Fatmirësisht nuk raportohet për persona të lënduar.
Me urdhër të prokurorit kujdestar, rasti është iniciuar si “Shkaktim i rrezikut të përgjithshëm”, ndërsa hetimet për zbardhjen e plotë të ngjarjes po vazhdojnë.
