Vitin e kaluar FC Vushtrria kishte prezantuar biznesmenin Shaip Mikullovci si sponsorin kryesor, duke thënë se ky është shpresa e fundit për ta arritur suksesin.
Kur kanë mbetur edhe dy xhiro për përfundimin e sezonës 2024/25, lojëtarët e KF Vushtrria akoma nuk i kanë marr pagat e muajve shkurt, mars dhe prill.
Burime të Veriu.info Brenda KF Vushtrria bëjnë të ditur se shumë prej lojëtarëve të KF Vushtrria kanë paralajmëruar klubin se nuk do të paraqiten në fushë në ndeshjen e së shtunes ndaj Fushë Kosovës.
“Jemi në gjendje të rëndë financiare, që të muaji pa rroga. Hala rrogën e shkurtit nuk na e kanë jep, edhe pse na kanë premtu që me 1 maj do të jepen rrogat e shkurtit e marsit bashkë me rrogën e prillit. Në ditët e ardhshme do t’i bojkotojna stërvitjet dhe jemi të e shqyrtu mundësinë mos me dalë në fushë të shtunen, nëse nuk na i japin rrogat”, ka thënë një futbollist i KF Vushtrri për Veriu.info në kushte anonimiteti.
Veriu.info mëson se zyrtarët e klubit po përgatitin një plan për ekzekutimin e pagave të shhkurtit, duke iu premtuar që gjatë muajit do të ekzekutohen edhe pagat e marsit dhe prillit, por që qëllimi është që t’i bindin lojëtarët që të luajnë edhe në dy ndeshjet e ardhshme, ku edhe përfundon kampionati.
Ndryshe, Veriu.info ka raportuar edhe muajin e kaluar për mos dhënie të pagave për lojëtarët nga KF Vushtrria, e cila Kryetar ka Shemsi Rrahimin (ish kryetar i Bashkësisë Islame në Vushtrri dhe ish punëtor i Emona Group, kompani kjo në pronësi të Shaip Mikullovcit, sponsorit kryesor të klubit) dhe Drejtor i FC Vushtrria është Liridon Ahmeti, i cili është dhëndërr i Shaip Mikullovcit.
A solli ters procesi i zgjedhjes së kryetarit të klubit? FC Vushtrria dështoi të fiton ndaj FC KEK-u
