Një moment i pazakontë ka marrë vëmendjen e mediave ndërkombëtare dhe përdoruesve të rrjeteve sociale, pas një videoje që u bë virale nga një takim mbretëror në Holandë. Në video, Mbretëresha Máxima e Holandës duket se imiton me humor shprehjet karakteristike të Presidentit amerikan, Donald Trump.
Ky episod ndodhi gjatë një eventi zyrtar ku ishin të pranishëm personalitete të rëndësishme ndërkombëtare, përfshirë edhe vetë Trump. Në video, Mbretëresha shihet duke bërë një mimikë të ngjashme me stilin e njohur të Trumpit, ndërsa një nga të ftuarit duket se shpërthen në të qeshura.
Pasi pamjet u publikuan në rrjete sociale, ato u shpërndanë me shpejtësi dhe ngjallën reagime të shumta. Disa e cilësuan momentin si “ikonik” dhe “mjaft të sinqertë”, ndërsa të tjerë u shprehën të surprizuar nga humori i Mbretëreshës.
Ndonëse nuk ka pasur një reagim zyrtar nga Pallati Mbretëror holandez, duket se kjo pamje spontane e Mbretëreshës Máxima ka krijuar një moment të rrallë komik në mesin e takimeve serioze diplomatike.
