Në kuadër të hulumtimit për kompanitë që kanë futur ose tentuar të fusin produkte ushqimore në tregun e Kosovës me përbërës të rrezikshëm, Veriu.info ka zbuluar se mishtores “Kluna” nga Drenasi i janë gjetur dy herë radhazi qindra kilogram suxhuk që nuk lejohen për konsum.
Veriu.info ka siguruar dy procesverbale e inspektorëve veterinar të Agjencisë së Ushqimit dhe Veterinarisë të muajit qershor 2024, me të cilët evidentohet se në biznesim “Blerim Kluna B.I.” me emër tregtar N.T.P. “Kluna” janë gjetur dhe asgjësuar 284 kg suxhuk, prej tyre 76 kg suxhuk shtëpiak, ndërsa 208 kg suxhuk industrial.
“Duke u bazuar në rezultatin e analizave laboratorike të datës 12.06.2024 kemi dalë në fabrikën e lartësekur (v.j. “Kluna”) dhe kemi bërë dorëzimin e rezultateve të analizave laboratorike nga LUV dhe konstatohet se produkti suxhuk shtëpiak … ka rezultuar i pakënaqshëm në kriterin e sigurisë ushqimore “Salmonella””, thuhet ndër të tjera në këtë procesverbal të datës 12.06.2024.
Inspektorët e AUV pas dy ditësh kanë shkuar prapë në kompaninë “Kluna”, ku kanë monitoruar procesin e asgjësimit të suxhut në sasi prej 284 kg.
Mirëpo, ky nuk është skandali i vetëm i kësaj kompanie me pronar Blerim Kluna, pasi që edhe sivjet është përsëritur situatë e ngjashme, pasi që prapë inspektorët e AUV i kanë gjetur suxhuk të papërdorshëm për konsum.
Veriu.info ka siguruar edhe dy procesverbale të inspektorëve të AUV të bëra gjatë inspektimeve në këtë kompani në mars 2025, ku në procesverbalin e datës 13 mars 2025 është bërë dorëzimi i analizave nga LUV (Laboratori i Ushqimit dhe Veterinës), sipas të cilave thuhet se: “… suxhuku shtëpiak ka rezultuar i pakënaqshëm dhe i njëjti nuk lejohet të përdorët për konsum publik, të tregtohet, tjetërsohet apo të përdoret si ushqim për kafshët”.
AUV ka urdhëruar kompaninë “Kluna” që të tërheq nga tregu suxhukun dhe mënjeherë të informohen autoritetet kompetente.
Më 19 mars 2025 inspektorët e AUV kanë shkuar prapë në kompaninë “Kluna”, ku kanë monituar procesin e asgjësimit të suxhut.
Veriu.info ka tentuar të kontaktoj me pronarin e kompanisë “Kluna”, Blerim Kluna, për të marrë përgjigje për shkakun që ka ardhur deri të prodhimi i suxhuk të ndaluar për konsum dhe se çfarë masa ka marrë që të mos përsëriten raste të ngjashme, por ai nuk është përgjigjur në pyetjet e dërguara.
Më poshtë gjeni foto nga procesi i asgjësimit të suxhukut të kompanisë “Kluna”:
Skandal: Prodhuan miell Tip 400 pa përbërës të duhur, dënohen mullinjtë “Amidoni” e “Blerina”
Skandal: Kapet mish i bluar “Çobani” me baktere të rrezikshme (Foto/dokument)
