Dallavere me çmime të naftës në kohë krize: Shteti e dërgon në gjykatë “Benita Corporation” të Nexhat Kalludrës

Për shkak të krizës së naftës si pasojë e luftës së ShBA-së dhe Izraelit me Iranin, çmimi i derivateve të naftës ishte ngritur në gjithë botën, ku në Kosovë ishin vërejtur tendenca me abuzim të çmimeve nga kompanitë që merren me shitjen me shumicë dhe pakicë të këtyre derivateve, raporton Veriu.info.

Për ta mbajtur situatën nën kontroll dhe për t’i mbrojtur konsumatorët, Ministria e Industrisë, Ndërmarrësisë dhe Tregtisë, duke u mbështetur në Ligjin për Tregtinë me Produkte të Naftës dhe Karburanteve të Ripërtëritshme, kishte vendosur që në baza ditore të caktojë çmimin maksimal të shitjes së derivateve të naftës.

Mirëpo, disa kompani nuk kishin zbatuar vendimin e Ministrisë së Industrisë, Ndërmarrësisë dhe Tregtisë, pasi që naftën e kishin shitur me çmime më të larta, duke shkelur ligjin dhe dëmtuar konsumatorët.

Lexoni edhe:

Skender Kelmendi i Eurokos Petrol është i arrestuari tjetër në aksionin kundër naftarëve, para një muaji drejtori i kompanisë deklaronte se po ndikojnë uljen e çmimit

Veriu.info ka siguruar një procesverbal të inspektimit të Inspektoratit Qendror të Mbikëqyrjes së Tregut të Ministrisë së Industrisë, Ndërmarrësisë dhe Tregtisë të datës 3 prill 2026, me të cilin është konstatuar se kompania “Benita Corporation” Sh.P.K. me pronar Nexhat Kalludra ka tejkaluar marzhën tregtare maksimale të lejuar për shitje me pakicë dhe shumicë të derivateve të naftës.

Për shkak të shkeljes së Ligjit për Tregtinë me Produkte të Naftës, IQMT më datë 5 maj 2026 ka filluar procedurën kundërvajtëse ndaj “Benita Corporation” në Gjykatën Themelore në Prishtinë – Dega Gllogovc .

Në arsyetimin e kërkesës për fillimin e procedurës kundërvajtëse bëhet e ditur se inspektorët e tregut në bashkëpunim me inspektorët e ATK-së kanë konstatuar se “Benita Corporation” ka tejkaluar çmimin maksimal të lejuar për shitje me pakicë të produkteve të naftës, duke vepruar në kundërshtim me nenin 15 të Ligjit për Tregtinë me Produkte të Naftës, që sanksionohet me neni 19, paragrafi 13 i të njëjtit ligj.

Sanksionet e nenit 19, paragrafi 13

Për shkelje të vendimit për marzhën e fitimit maksimal, në kërkesë thuhet se sanksioni është paraparë me nenin 19, paragrafi 13 i Ligjit nr.08/L-018 për Tregtinë me Produkte të Naftës dhe Karburanteve të Ripërtëritshme.

Sipas paragrafit 13, dënimi maksimal për persona juridikë është i paraparë në shumën prej 6 mijë euro.

“Kushdo që, në kundërshtim me nenin 15 të këtij ligji, nuk respekton kufizimin e çmimit të produktit të naftës ose karburantit të ripërtëritshëm dënohet me gjobë prej dy mijë (2.000) deri në gjashtë mijë (6.000) euro, si person juridik”, thuhet në paragrafit 13 të nenit 19 të Ligjit nr.08/L-018.

Ndryshe, “Benita Corporation” Sh.P.K. është kompani e themeluar më 2022, ku 100% të aksioneve i zotëron Nexhat Kalludra.

LEXONI EDHE:

Dallavere me çmimet e naftës: Lab Oil i Raif Gashit përfundon në gjykatë (Dokument)

Dosja: Shteti nis dy procedura në gjykatë ndaj “Al Petrol” të Shaip Mikullovcit për shkelje të çmimeve të naftës

Petrol Company e donatorit të VV-së, Shkëlzen Jusaj, procedohet për gjykatë – shiti naftë mbi çmimin e lejuar në kohë krize

EX FIS i Isa Muharremit kapet duke punuar ilegalisht në autostradë – shteti për dy vite i mbylli sytë ndaj donatorit të VV-së

Viva Fresh e oligarkut Xhevdet Rexhepi shkeli markën tregtare të Adidas, Gjykata urdhëron asgjësimin e 600 palë atleteve të falsifikuara

Babë e birë në pranga në aksionin kundër naftarëve të dyshuar si grup i strukturuar kriminal (Emrat)

Pronari i “Veda 2 Petrol”, Dashnim Miftari është arrestuari në aksionin kundër grupit të strukturuar kriminal naftëtarëve

Bastisen mbi 40 lokacione, dyshime për skemë kriminale me import të ujit në vend të naftës